+5 °С
Облачно
Яңылыҡтар таҫмаһы
23 Марта 2021, 13:50
Морат тауы саңғысыларҙы көтә!
Белорет ҡалаһы ситендә урынлашҡан Морат тауында саңғысылар ҡарҙы иреткәнсе шыуырмы икән? Һәр хәлдә ярыштар ҡыҙыу бармаҡсы!
Башҡорт википедияһынан: Морат" тау саңғыһы комплексы Көнъяҡ Уралда - иң боронғоларҙан. Туристар араһында бик популяр урын булып һанала, сөнки "Абҙаҡ" һәм "Металлург-Магнитогорск" тау саңғыһы үҙәктәрендәге хаҡтар менән сағыштырғанда бында күпкә арзаныраҡ. Шулай уҡ тау түбәһенән тирә-яҡҡа матур күренештәр асыла. Әрүәкрәз, Ямантау, Кирәл, Еләкташ, Яланғас, Белорет ҡалаһы һәм башҡалар күренә.
"Морат" тау саңғыһы үҙәге Белорет ҡалаһы эсендә (Башҡортостан Республикаһы) шул уҡ исемдәге тауҙар битләүендә барлыҡҡа килә. Әлеге ваҡытта 8 трасса эшләп килә, иң оҙоно — 1495 м, иң ҡыҫҡаһы — 300 м. Был трассалар Башҡортостандан ғына түгел, башҡа төбәктәрҙән дә, хатта сит илдән дә туристарҙы һәм тау саңғысыларын йәлеп итә.
Морат тауы битләүҙәрендә 8 трасса һалынған, уларҙың береһе - балаларға иҫәпләнгән, дүрт трасса тәжрибәле спортсылар өсөн тәғәйенләнгән; 4 күтәргестәр (канат юлдары) бар. Шулай Слаломлы трассаһының ауышлығы урыны менән 75 процентҡа етә, был слалом спортын ҡатмарлы һәм ҡыҙыҡлы итә.
Фото: асыҡ сығанаҡтарҙан.
Новости партнеров
