+22 °С
Ясно
Яңылыҡтар таҫмаһы
15 Марта 2021, 09:57
Башҡортостандың ете ҡалаһында һауаның саманан тыш бысраныуы теркәлгән
Был хаҡта БР Роспотребнадзор идаралығының күҙәтеү бүлеге етәксе Лариса Килдюшова белдерә.
2020 йыл һөҙөмтәләре буйынса Башҡортостандың ете ҡалаһында рөхсәт ителгән концентрацияның артығырыраҡ булыуы асыҡланған. Килдюшованың докладына ярашлы, Дәүләкәндә — 3,75% процентҡа артығыраҡ, Салауатта – 0,52%, Стәрлетамаҡта – 0,47%, Ишембайҙа – 0,45%, Өфөлә – 0,36%, Благовещендә – 0,25%, Туймазыла – 0,021%.
Һауа башлыса нимәнән бысрана? Мәҫәлән, Салауат ҡалаһы атмосфераһында этилбензол буйынса рөхсәт ителгән концентрация биш тапҡырға артығыраҡ булыуы билдәләнгән. Благовещенда хлорбензол – 5%, Стәрлетамаҡта формальдегид – 15%, Өфөлә гидроксибензол – 2,7%.
– Бихисап тикшеренеүҙәр раҫлауынса, тын юлдары ауырыуҙары һауаның бысраҡ булыуы арҡаһында килеп сыға. Мәҫәлән, Өфөлә тын юлдары ауырыуҙары тәүге урында тора. 2015 йылда 20 процент сирләү осрағы теркәлгән, ә 2019 йылда – 44 процент. Стәрлетамаҡта ла шундай уҡ хәл, 2015 йылда 41 процент булһа, 2019 йылда – 45,5 процент, – тип билдәләй белгес.
Фото: Т. Аманов
