+22 °С
Ямғыр
Яңылыҡтар таҫмаһы
15 Март 2021, 17:11
«Алға» картаһының мөмкинлектәре үҫә
Киләсәктә картаны ҡулланыусыларға театрҙарҙа һәм музейҙарҙа ташлама яһаласаҡ.
Башҡортостанда етештерелгән «Алға» картаһы бер миллиондан ашып киткән. Әлеге ваҡытта йәмәғәт транспорты менән файҙаланған халыҡтың яртыһы берҙәм транспорт картаһын ҡуллана. «Алға» системаһына 72 пассажир ташыусы ойошма ҡушылған. Был хаҡта «Транспорт сәғәте»ндә билдәле булды.
«Алға» картаһы проектының үҫеш күрһәткестәре мәғариф өлкәһендә лә асыҡ сағыла. Республика күләмендә әлеге карта нигеҙендә «Мәктәп картаһы» проекты эшләнде. Транспорт ҡушымтаһы укыусыларҙың мәктәптәргә кереүҙе тикшереүҙе һәм белем усаҡтарында туҡланыуға түләүҙе күҙ уңында тота. Киләсәктә тағы ла «Алға» картаһын ҡулланыусыларға театр, музей һәм концерт залдарына ташлама яһау ҡарала.
Фото: Т. Аманов
