+22 °С
Дождь
Яңылыҡтар таҫмаһы
6 Марта 2021, 13:00
«Электән күпләп гәзит-журнал алдырҙыҡ!»
Ҡул арты еңел булған даланлы кешеләргә һәр ерҙә лә юлдар асыҡ. Шулай булмаһа, отош уйынында меңләгән хат араһында ҡиммәтле бүләк отоу Мәләүез районының Тамъян ауылынан Гөлфара Булатованың өлөшөнә төшмәҫ ине. Ул редакция ойошторған конкурсҡа гәзиткә яҙылыуын раҫлаған квитанцияның күсермәһен тәүге тапҡыр ғына ебәреп, дисклы бысҡы отто.
– Мәктәптә башҡорт теле һәм әҙәбиәте уҡытыусыһы булып эшләгәс, элек бик күп матбуғат баҫмаһын алдырҙыҡ. Хәҙер, хаҡлы ялға сыҡҡас, хаҡтары ла ныҡ ҡиммәтләнгәс, «Йәшлек», «Башҡортостан ҡыҙы», «Көнгәк» район гәзитен генә алдырабыҙ. Ваҡытлы матбуғаттың интернеттағы варианттарын да ҡарап барам. «Йәшлек»тең бер битен дә ҡалдырмай уҡып сығам. Беҙҙең өсөн йәшәйеш, сәләмәтлек тураһында яҙылғандар ҡыҙыҡ. Хикәйәләр оҡшай. Телевизорҙан яңылыҡтарҙы ишетеп кенә ҡалаһың, гәзиттән уҡыһаң, нығыраҡ аңлашыла, ҡабат-ҡабат уҡып сығырға мөмкин, – ти ул, гәзит тураһындағы фекерҙәре менән уртаҡлашып.
«Йәшлек» бүләгенең мәнфәғәтен күрергә яҙһын, Гөлфара апай!
Автор фотоһы.
