+22 °С
Ямғыр
Яңылыҡтар таҫмаһы
4 Март 2021, 12:56
Юлға сыҡмай тороғоҙ!
Иртәгә республикала урыны менән көслө ҡар яуыуы, айырым райондарҙа буран сығыуы көтөлә. Елдең тиҙлеге төндә 17-22 м/с, көндөҙ 18 м/с. Юлдарға көрт һаласаҡ, боҙлауыҡ та водителдәр өсөн хәүеф тыуҙыра.
Төбәктә елдең секундына 17-22 метрға тиклем көсәйеүе, ҡар яуыуы менән бәйле, Рәсәй Ғәҙәттән тыш хәлдәр министрлығының Башҡортостан буйынса баш идаралығы иҫкәртә:
- артыҡ ихтыяж булмағанда, урамға сығып йөрөмәү хәйерле;
- урамда реклама таҡталары, ваҡытлыса төҙөлөштәр, ағастар янында һаҡ булығыҙ; электр тапшырыу линиялары аҫтында тороу һәм өҙөлгән сымдарға тейеү тыйыла;
- юлдарҙа урыны менән күреү мөмкинлеге 500 метрҙан кәмей, юл хәрәкәте ҡағиҙәләрен теүәл үтәргә кәрәк.
Ә иң яҡшыһы, буранда юлға сығыуҙы кисектереп тороу!
Бөтә ғәҙәттән тыш хәлдәр тураһында «101» (мобиль телефондан), 01 (ҡала телефонынан) номерҙары буйынса Рәсәй Ғәҙәттән тыш хәлдәр министрлығының янғын-ҡотҡарыу хеҙмәтенә хәбәр итергә кәрәк.
Фото: асыҡ сығанаҡтарҙан.
