+21 °С
Болотло
Яңылыҡтар таҫмаһы
4 Март 2021, 13:45
Радий Хәбиров боҙҙа мотоциклда йөрөргә өйрәнерме?
Марттың тәүге көнөндә “Батырҙар кубогы” турниры үткәйне. Унда Башҡортостан Башлығы Радий Хәбиров та булды. Был сарала төрлө оҫталыҡ дәресе лә бик күңелле уҙҙы. Республика етәксеһе Николай Красниковҡа “боҙ матайы”нда йөрөргә өйрәнеү теләге барлығын әйтте. Хатта өйрәнергә вәғәҙә лә биргән. “Ҡарарбыҙ, нимә килеп сығыр?” тип яҙып ҡуйған Радий Фәрит улы “Бәйләнештә”.
Николай Красниковты белмәгәндәр һирәктер. Легендар спортсы, боҙҙа мотоциклда шыуыу буйынса һигеҙ тапҡыр донъя чемпионы. Әле ул Өфөлә тренерлыҡ менән шөғөлләнә, оҫталығын йәш быуынға бирергә булған. Афарин!
Әйткәндәй, фотола әлегә Радий Хәбиров түгел, ә Красников үҙе. Республика етәксеһе, бер әйткәс, өйрәнер, киләсәктә күрербеҙ.
Фото: vk.com
