+22 °С
Ямғыр
Яңылыҡтар таҫмаһы
3 Март 2021, 11:40
Электромобилдәргә заправка
Бишбүләк ауылы заман менән бергә атлай. Унда электромобилдәр өсөн заправка ҡуйылды. Был һөйөнөслө яңылыҡ менән район хакимиәте башлығы Артур Зарипов бүлеште.
Яңы төр заправка ҡуйыу – заман талабы. Сөнки районда 4 электромобиль иҫәпләнә, киләсәктә уларҙың һаны тағы ла артыр тип фаразлана.
Экологик транспортты БР Дәүләт Йыйылышы Ҡоролтай депутаттары ла хуплай. Улар хатта түләүле туҡталҡалар тураһындағы законға үҙгәрештәр индерергә лә уйлай. Үҙгәрештәр үҙ көсөнә ингәндә, транспорттың был төрөн бушлай ҡуйыу мөмкин буласаҡ.
Фото: Т. Аманов
