+24 °С
Ямғыр
Яңылыҡтар таҫмаһы
27 Февраль 2021, 10:00
Йә «Трактор», йә «Автомобилист», йә «Барыҫ» буласаҡ…
Бөгөн «Салауат Юлаев» командаһы КХЛ чемпионатының һуңғы уйынында «Локомотив» хоккейсылары менән осрашып, даими беренселекте тамамлай.
Турнир таблицаһында шул хәтлем буталсыҡ, һуңғы һөҙөмтә генә барыһын да кемдең ҡайҙа урынлашыуын асыҡлаясаҡ. Әйтәйек, юлаевсылар еңеп, «Авангард» отолһа, беҙҙекеләр Көнсығыш конференцияһының икенсе баҫҡысына үрләйәсәк. Ә инде отола ҡалһа, ә «Металлург» дәғүәсеһен алдырһа, өфөләр дүртенсе урынға төшөп, плей-оффта «Трактор» клубы менән сәкәләшәсәк. Ҡыҫҡаса әйткәндә, бар һөҙөмтәләрҙә көтөп, урынын белеп, дәғүәсеһен дә , мотлаҡ беләсәкбеҙ. Әле үк әйтергә була, «Салауат Юлаев»ҡа беренсе раундта «Торпедо»нан тыш, йә «Трактор», йә «Автомобилист», йә «Барыҫ» эләгәсәк.
Плей-офф уйындары 2 март башланасаҡ.
Фото: ТАСС.
