Иғтибар! М-5 трассаһының Ырымбур өлкәһе, Татарстан һәм Башҡортостан участкаларында сикләүҙәр

Сикләү төнгө 03.30 сәғәттән бөтә пассажир автобустары, маршрут таксиҙары, еңел такси, йөк транспорты өсөн М-5 “Урал” трассаһының Мәскәү – Рязань – Пенза – Һамар – Өфө – Силәбе өлөшөндә индерелде. Башҡортостанда хәрәкәт Төньяҡ, Богдановка, Октябрьский, Туймазы, Ҡандра, Иҫке Боғаҙы, Бүздәк тораҡ пункттары тирәһендә сикләнде. Юлда штаттан тыш хәлдәр булһа, "Урал буйы" (“Приуралье”) идаралығының дежур-диспетчер хеҙмәтенә +7(347) 286-07-18, +7917-046-79-53 телефондары буйынса хәбәр итергә була. Йәнә Р-240 Өфө – Ырымбур трассаһы, Өфөнө Көнбайыштан урау юлында ла сикләү ғәмәлдә. М-7 трассаһында Исәмәт ауылы, Өфө ҡалаһы янында, Өфө - Ырымбур трассаһында Авдон һәм Николаевка ауылдары янында сикләүҙәр бар.