Спорт йыһаздары яңыртыласаҡ

Алексей Евстигнеевтың ғорурлығы – күп тапҡыр Бөтә Рәсәй ярыштары еңеүсеһе Регина Нурмөхәмәтова һәм самбо буйынса донъя чемпионатының икенсе призеры Марсель Юлдашев. Уның өсөн барлыҡ тәрбиәләнеүселәре лә – еңеүселәр. Спортсының билдәләүенсә,барлыҡ балалар ҙа һәләтле, тик улар менән эшләргә генә кәрәк. Иң мөһиме – теләк кенә булһын.

Баймаҡ районына БР Хөкүмәте Премьер-министры урынбаҫары Азат Баҙранов менән БР йәштәр сәйәсәте һәм спорт министры Руслан Хәбибов килде. Улар Иҫке Сибай, Әхмәр ауылы мәктәптәренә,Урғаҙа физкультура – һауыҡтырыу комплексына, Сибай ҡалаһының Балалар – үҫмерҙәр спорт мәктәбенә спорт инвентарҙәре тапшырҙы. Спорт йыһаздары менән тәьмин итеү БР Хөкүмәтенең һәм Урал аръяғы йәмәғәт башланғыстарының уртаҡ проекты сиктәрендә башҡарыла.Баймаҡ спортсылары һынатмай: ҡаҙаныштары күп – былтыр улар Рәсә Федерацияһы спорт мастерлығына биш кандидат әҙерләгән, бер спортсы Рәсәй йыйылма командаһы ағзаһы.

Тиҙҙән Әбйәлил, Йылайыр, Хәйбулла, Учалы райондары мәктәптәре, спорт комплекстары яңы йыһаздар менән тәьмин ителәсәк.

Фото: БР Йәштәр сәйәсәте һәм спорт министрлығы.