+21 °С
Болотло
Яңылыҡтар таҫмаһы
2 Февраль 2021, 08:33
М-5 юлында хәрәкәт сикләнде!
Бөгөн иртәнге сәғәт ундан федераль әһәмиәттәге М-5 автомобиль юлында пассажир автобустары, маршрут таксиҙары һәм йөк транспорттары өсөн хәрәкәт ваҡытлыса сикләнде (1194+500 саҡрымдан 1548+651 саҡрымға тиклем).
Сәбәбе: насар һауа шарттары (һепертмә буран, көслө ҡар, күреү мөмкинлеге сикле).
Юл хеҙмәттәре федераль әһәмиәттәге автомобиль юлында хәүефһеҙлекте тәьмин итеү өсөн барыһын да эшләй. Әлеге ваҡытта 35 берәмек юл техникаһы йәлеп ителгән.
Юлда берәй хәл килеп тыуһа, +7(347) 286-07-18, +7917-046-79-53 телефон һандары буйынса шылтыратырға мөмкин. Өҫтәмә мәғлүмәт алыу өсөн: +7 927 308-33-38.
Шулай уҡ ҡала хакимиәте иртәнге ундан киске сәғәт унға тиклем ҙур йөк машиналарына Өфө-Шаҡша-КПМ, Өфө-Жилин, Бөрө тракты һәм Өфө-Затон-КПМ маршруттары буйынса йөрөүҙө тыйҙы.
Фото: Т. Аманов.
