+22 °С
Ямғыр
Яңылыҡтар таҫмаһы
30 Ғинуар 2021, 03:48
Пособиелар менән бурыс ҡапланмай
Банкта түләнмәгән кредитым бар. Финанс ойошмаһы беҙҙе судҡа биргән, суд приставтары бурысымды эш хаҡынан тотоп алып килде. Хәҙер мин декрет ялына киттем. Килемем юҡ. Яңыраҡ бала тыуғанда бер мәртәбә бирелә торған пособиены ла бурыс өсөн тотоп алып ҡалғандар. Пособиеға тейергә тейеш түгелдәрҙер бит. Айзилә.Балаҡатай районы.
Суд приставтары бурыслы кешенең банк картаһынан аҡсаны алырға, аҡса иҫәбенә арест һалырға хоҡуҡлы.
Әммә “Башҡарма производство тураһында”ғы закондың 101-се статьяһына ярашлы, һаулыҡ өсөн килтерелгән зыянды ҡаплағанда, ҡараусыһын юғалтыу буйынса, бала ҡарау буйынса пособие түләнгәндә, радиация һәм техноген аварияларҙа зыян күргән, сирле кешене ҡараған, бала тыуған, кеше үлеме менән бәйле түләнгән пособиены, командировка түләүҙәрен, алименттар, дарыу алыу өсөн бирелгән түләүҙәр, “әсәлек капиталы” аҡсаларынан бурыс ҡайтарылмай.
Ҡайһы берҙә суд приставтарының хатаһы менән был тейелгеһеҙ аҡсанан да бурыс ҡаплатыла. Аҡсаны кире ҡайтарыу өсөн үҙегеҙҙең аҡса иҫәбенә балалар пособиеһы һ.б социаль түләүҙәр күсерелеүен раҫлаған документ алығыҙ. Һуңынан аҡсаны кире ҡайтарыуҙарын һорап, суд приставтарына ғариза яҙығыҙ. Әгәр ҙә улар мөрәжәғәтегеҙҙе иғтибарһыҙ ҡалдырһа, һеҙҙең талаптар үтәлмәүен белдереп, судҡа мөрәжәғәт итегеҙ.
Фото: Т,Аманов
