+22 °С
Ямғыр
Яңылыҡтар таҫмаһы
18 Ғинуар 2021, 13:46
Палатка ғына һатып алырға булған
Туймазы ҡалаһы хакимиәтенең йәштәр сәйәсәте буйынса бүлек начальнигы бюджет аҡсаһын урлауҙа ғәйепләнә.
Декабрҙә 34 йәшлек чиновник, туристик кәрәк – яраҡ һатып алыу һылтауы менән, хакимиәт һәм урындағы эшҡыуар менән килешеү төҙөй. 14 палатка өсөн 100 мең самаһы аҡса күсерергә кәрәк була. Тик чиновник эшҡыуарға тауар килтерергә кәрәкмәй, тип, күскән аҡсаны ҡулаҡса менән кире ҡайтарырға ҡуша.
Оператив – эҙләү саралары барышында, эшҡыуар аҡсаны ҡайтарған ваҡытта, чиновник ҡулға алына.
Урлашыу факты буйынса енәйәт эше Туймазы район-ара Тәфтиш бүлегенә тапшырылған.
