+22 °С
Дождь
Яңылыҡтар таҫмаһы
21 Декабря 2020, 06:30
Милли проектҡа ярашлы фатирлы булдылар
Улар ауыр хәлдә ҡалған булған: кемдәрелер иҫке йортта йәшәгән, кемдәрҙер - етем йә сирле... Был тәңгәлдә "Торлаҡ һәм ҡала мөхите" милли проекты - ҙур ярҙамсы.
Баҡалы районы үҙәгендәге яҡшы йорттан бығаса авария хәлендәге торлаҡта йәшәгән 23 ғаилә, ете етем һәм бер ауыр сирле кеше фатир алып ҡыуанды. Тағы ла биш фатир һатыуға әҙер.
Асҡыстар тантаналы рәүештә тапшырылды. Баҡалы районы хакимиәте башлығы Александр Андреев ҡотларға үҙе килгәйне.
Әйткәндәй, республика федераль милли проектҡа ярашлы, авария хәлендәге торлаҡтан күсереүҙе ғәмәлгә ашырыу проектында 2019 йылдан ҡатнаша. Беҙҙә 2019-2025 йылға тиклем махсус адреслы программа раҫланған. Барлығы 63,3 мең кв.м торлаҡтан биш мең самаһы кешене күсереү күҙаллана.
Фото: БР Төҙөлөш һәм архитектура буйынса дәүләт комитетынан.
