+22 °С
Дождь
Яңылыҡтар таҫмаһы
20 Декабря 2020, 17:20
Ололарҙы ла ковидтан вакциналай башлауҙары мөмкин
Рәсәйҙә яңы коронавирус инфекцияһынан 60 йәштән ололарҙы вакциналау киләһе аҙнала башланыуы ихтимал.
Был хаҡта РФ һаулыҡ һаҡлау министры Михаил Мурашко «Рәсәй 1” каналында “Вести недели” пргограммаһына интервьюһында хәбәр итә.
«Эйе, беҙ быға өмөтләнәбеҙ», — тип яуап бирә министр , киләһе аҙнала пенсионерҙарҙы вакциналау башланыуы мөмкинме, тигән һорауға. Уның әйтеүенсә, әлеге ваҡытта 60-тан уҙған ололарҙа вакцинаны клиник һынау тамамлана.
«Беҙ вакциналауға шәкәр диабеты менән ауырыусыларҙы ла йәлеп итергә тәҡдим итәбеҙ», — ти ведомство етәксеһе.
Иҫегеҙгә төшөрәбеҙ, үткән тәүлектә Башҡортостанда яңы коронавирус инфекцияһы менән ауырыусылар 159 кешегә артҡан. Пандемия башланғандан алып бөтәһе 17260 кешегә COVID-19 диагнозы ҡуйылған. Ҡыҙғанысҡа ҡаршы, йәнә ике кеше был сирҙән вафат булды. Мәкерле сир Башҡортостанда бөтәһе 122 кешенең ғүмерен өҙҙө.
Фото:Т.Аманов.
