+22 °С
Ямғыр
Яңылыҡтар таҫмаһы
13 Декабрь 2020, 06:14
Башҡорт теле көнөнә арналған конкурстарҙың еңеүселәре билдәле булды
Кисә Арт-квадратта «Башҡорт теленә яңы ҡараш» тип исемләнгән сара уҙҙы. Унда яңы Башҡорт-урыҫ һәм урыҫ башҡорт һүҙлегенең веб-порталы, башҡорт телен өйрәнеү өсөн мобиль ҡушымталар, «Аҫылташ» алдынғы ҡарашлы йәштәр бренды халыҡ хөкөмөнә сығарылды. Башҡорт теле көнө айҡанлы иғлан ителгән башҡортса асылмалар, вайндар ижад итеү, уҡыусылар һәм студенттар араһындағы «Башҡорт блогеры» конкурстарына йомғаҡ яһалды, еңеүселәрҙең исемдәре аталды. Һөҙөмтәләр түбәндәгесә:
«Иң яҡшы вайн» конкурсы:
I урын – Азамат Мөхәмәтйәнов (Владивосток ҡалаһы);
II урын – Зәлиә Шаһыбалова (Өфө ҡалаһы) һәм Ризуан Рәхмәтов (Әбйәлил районының Асҡар ауылы);
III урын – Исҡужин Варис (Мәскәү ҡалаһы), Эльвира Дәүләтбирҙина ( Өфө ҡалаһы) һәм Айзилә Үтәбаева (Әбйәлил районының Рәхмәт ауылы).
Шулай уҡ номинациялар еңеүселәре билдәләнде. «Иң күп башҡорт вайны төшөрөүселәр» – Азамат Мөхәмәтйәнов (Владивосток ҡалаһы) һәм Зәлиә Шаһибалова (Өфө ҡалаһы). «Иң популяр вайн авторы» – Әлзирә Заһиҙуллина (3898 ҡарау), «Иң күп лайыҡ йыйыусы – Ризуан Рәхмәтов (Әбйәлил районының Асҡар ауылы), «Иң ижади вайн» – Алтынсура Ғарипов (Мәсетле районының Яңы Яуыш ауылы), «Иң сифатлы монтаж эшләүсе» – Азамат Мөхәмәтйәнов (Владивосток ҡалаһы).
«Иң яҡшы электрон асылма (открытка) авторы» конкурсы:
I урын – Минзәлә Вәлшина (Салауат районының Көҫөпәй ауылы);
II урын – Нәйлә Мөхәмәтйәрова (Сибай ҡалаһы) һәм Рәзилә Мәғәфүрова (Алтай крайы);
III урын – Гөлзифа Тотманова (Сибай ҡалаһы), Зилә Кәримова (Йылайыр районы) һәм Лариса Ғәйнетдинова (Салауат районы Малаяҙ ауылы).
«Иң сифатлы асылма» – Ильяс Тимербулатов (Сибай ҡалаһы), «Иң күп асылма эшләүсе» – Илүзә Янбаева (Өфө ҡалаһы), «Иң күп лайыҡ йыйыусы» – Зилә Кәримова (Йылайыр районы), «Иң оригиналь асылма» номинацияһында Салауат Йоносов бүләкләнде.
«Иң популяр башҡорт блогеры» номинацияһында Айгиз Аҫылбәков еңеп сыҡты.
«Иң яҡшы социаль ролик» конкурсы:
I урын – Эльнара Фәйзуллина;
II урын – Лилиә Яҡшыдәүләтова;
III урын – Азамат Мөхәмәтйәнов.
"Тамашасы һөйөүе" номинацияһында 1169 тауыш менән Наҙгөл Хөсәйенова еңеүсе тип табылды.
Еңеүселәргә һәм призлы урын яулаусыларға Iphone, ноутбук һәм планшет кеүек затлы бүләктәр тапшырылды.
Фото: сара барышынан скриншот.
