+22 °С
Дождь
Яңылыҡтар таҫмаһы
11 Декабря 2020, 12:19
Мендәрҙе йыуып торорға кәрәк
Мамыҡ мендәрҙе даими ҡағып, саң һурҙыртҡыс менән таҙартып торғанда, ул туҙандан арына. Ә бына бөжәктәр барлыҡҡа килмәһен өсөн уны 2 – 3 йылға бер мәртәбә булһа ла йыуып торорға кәрәк. Был эште йәй көнө башҡарғанда мамыҡ тиҙ кибә. Тик шуны иҫтә тотоғоҙ: мендәр ҡаҙ, өйрәк йәки күркә мамығынан яһалғанда ғына йыуыу фарыз. Тауыҡ мамығы ваҡ була һәм йыуылып төшә. Аҙаҡ мендәрегеҙ мотлаҡ йоҡарып ҡаласаҡ.
Башта мендәр кәпрәненең (тәүге тышы) бер яҡ башын һүтеп, мамығын ипләп кенә ҙур иләккә ҡул менән бушатырға. Аҙаҡ уны иләк менән бергә кер һабыны йәки порошогы ебетелгән һыулы һауытҡа һалырға. Мамыҡты йыуғас, иләк аша һарҡытырға, ағып торған йылы һыу менән сайҡатырға. Елһеҙ ҡояшлы урында гәзит өҫтөнә йәйеп киптерергә. Кәпрәнде лә йыуып, үтекләп, кипкән мамыҡты тултырып, тегеп ҡуйырға.
Фото: Т,Аманов
