+24 °С
Ямғыр
Яңылыҡтар таҫмаһы
6 Декабрь 2020, 15:56
«Аҡмулла диктанты» мәғрифәт акцияһына рәхим итегеҙ!
14 декабрь – башҡорт халҡының билдәле мәғрифәтсеһе, шағир һәм сәсән Мифтахетдин Аҡмулланың тыуған көнө. Башҡортостан Башлығы Радий Хәбировтың Указына ярашлы, 2019 йылдан был көн рәсми рәүештә Башҡорт теле көнө тип иғлан ителде. Ошо халҡыбыҙ өсөн әһәмиәтле байрам айҡанлы Мифтахетдин Аҡмулла исемендәге БДПУ-ның башҡорт филологияһы факультеты 11-12 декабрҙә «Аҡмулла диктанты» мәғрифәт акцияһын уҙғара.
Билдәле сәбәптәр арҡаһында сара ситтән тороп уҙғарыла. Диктанттың маҡсаты – Башҡортостанда Мифтахетдин Аҡмулланың ижадын таратыу һәм танытыу, башҡорт телен һәм әҙәбиәтен өйрәнеүгә йәмәғәтселектең иғтибарын йәлеп итеү. Сарала, йәшенә, белеменә, йәшәү урынына, гражданлығына ҡарамайынса, һәр кем ҡатнашыу хоҡуғына эйә.
Диктант барыһы 30 һорауҙан тора. Унда ҡатнашыу өсөн https://bashdict.ru сайтына инергә һәм «Пройти Диктант» төймәһенә баҫырға кәрәк. Диктант Өфө ваҡыты буйынса 11 декабрҙең иртәнге 8 сәғәтенән 12 декабрҙең киске 8 сәғәтенә тиклем уҙғарыла. Акцияла ҡатнашҡан һәр кемгә сертификат бирелә. Диктанттың дөрөҫ яуаптары 14 декабрҙә башҡорт филологияһы факультетының рәсми сайтында баҫыласаҡ.
Фото: Т. Аманов.
