+21 °С
Болотло
Яңылыҡтар таҫмаһы
2 Декабрь 2020, 11:27
Стәрлетамаҡта COVID-госпиталь төҙөлөшө тамамланды
Республика райондарын хеҙмәтләндерәсәк йоғошло ауырыуҙар дауаханаһы рекордлы 50 көн эсендә әҙер булды. Кисә төҙөлөш-монтажлау эштәренең тамамланыуы хаҡында Башҡортостан Хөкүмәтенең Премьер-министры Андрей Назаров хәбәр итте.
Әлеге ваҡытта помещениены таҙалайҙар, медицина ҡорамалдары урынлаштырыла, шул уҡ ваҡытта коллектив туплана. 10 декабргә тиклем тәүге пациенттарҙы ҡабул итәсәктәр.
Андрей Назаров әйтеүенсә, республикалағы инфекция үҙәгенең проекты федераль кимәлдә иң яҡшыһы тип табылды. Ошо көндәрҙә Ульяновск өлкәһенән белгестәр киләсәк. Улар үҙҙәрендә шундай уҡ дауахана төҙөргә ниәтләнә. Ғөмүмән, бөгөнгәсә 15 төбәк беҙҙең проектты ҡулланып, мәкерле сирҙе дауалау буйынса госпиталь ҡороп ултыртҡан. Мәҫәлән, Силәбе районындағы дауахана төҙөлөшөндә Башҡортостан белгестәре ҡатнашҡан.
Фото: Т. Аманов.
