+22 °С
Ямғыр
Яңылыҡтар таҫмаһы
25 Ноябрь 2020, 06:15
100 000 һумлыҡ грантты кем алды?
Өфөлә "Эшҡыуар әсә" федераль программаһының финалы үтте һәм еңеүсе бизнес-проекттар билдәләнде.
Беренсе урынға "Бергә бәхетле" ғаилә спорт клубы төҙөү ниәте менән янған Альбина Мортазина лайыҡ булды. Ул Amway хәйриә фондынан проектын ғәмәлгә ашырыу өсөн 100 мең һум грант отто. Был суммаға ханым Өфө районының Миловка ауылындағы каток өсөн инвентарь алырға уйлай.
Әйткәндәй, финал алдынан унда ҡатнашыусылар эшҡыуарлыҡ буйынса биш көнлөк дәрес алды. Уҡытыу программаһы "Бәләкәй һәм урта эшҡыуарлыҡ һәм шәхси башланғыстарға булышлыҡ итеү" милли проектын ғәмәлгә ашырыуға ярашлы ойошторолдо.
Еңеүселәргә махсус бүләктәр ҙә тапшырылды. БР Сауҙа-сәнәғәт палатаһы президенты Тимур Хәкимов йәш әсәләрҙе палата ағзаһы булырға ла саҡырҙы. Бөгөн конкурста ҡатнашыусы ике ҡатын - палата ағзаһы, тағы ла өсәүһенә юридик шәхес булып теркәлеүгә ярҙам күрһәтелде.
Фото: БР Эшҡыуарлыҡ буйынса дәүләт комитеты.
