Шаран районында «Туй йолаһы» фестивале үтте

Пандемия осоронда хәүефһеҙлек талаптарын күҙ уңында тотоп уҙғарылған конкурсҡа 83 коллектив үҙенең ижадын тәҡдим иткән. Жюриҙа филология фәндәре докторы, сәсәниә Розалия Солтангәрәева, Фәйзи Ғәскәров исемендәге халыҡ бейеүҙәре ансамбленең художество етәксеһе, танылған бейеүсе Риф Ғәбитов, Республика халыҡ ижады үҙәге фольклор буйынса баш белгесе Гөлгенә Баймырҙина, Әбйәлил районы Байым ауылы мәҙәниәт йорто директоры Марс Сәйетғәлин, режиссер Радик Ғәниев эшләне. Баһалама ағзалары башҡорт йолалары буйынса түңәрәк өҫтәлдә әңгәмә ҡорҙо, бәйге эштәренә баһа бирҙе.

Фестиваль йомғаҡтары буйынса беренсе дәрәжә диплом менән өс коллектив – Әбйәлилдән «Күбәләк биҙәктәре», Бишбүләктән «Мерчен» халыҡ фольклор ансамбле һәм Дыуандан «Әйлеләр» ансамбле бүләкләнде. Улар башҡорт милли һауыт-һабалары һәм самауыр менән бүләкләнде. Фестиваль хужалары Шарандарға махсус диплом тапшырылды.

Фото: Т. Аманов.