+22 °С
Ямғыр
Яңылыҡтар таҫмаһы
24 Ноябрь 2020, 18:26
Башҡортостанда бер көн эсендә ике кеше янып үлгән
Башҡортостан буйынса Ғәҙәттән тыш хәлдәр министрлығының мәғлүмәт үҙәге хәбәр итеүенсә, янғын 57 йәшлек ирҙең һәм 95 йәшлек ҡатындың ғүмерен өҙгән.
Иртәнге 10-сы яртылар тирәһендә Күгәрсен районы Мәҡсүт ауылында ағас йорт янып китә. Янғын һүндереүселәр килеп етеүгә өйҙө тулыһынса ялҡын ялмап алған була. Ҡотҡарыусылар янғында зыян күргән 95 йәшлек оло кешене медиктарға тапшыра, ҡыҙғанысҡа ҡаршы, ҡатын дауаханала йән бирә.
Ошо уҡ көндө сәғәт 11-ҙә Дүртөйлө ҡалаһының Матросов урамындағы күп фатирлы йортта ла ут сыға. Хәүефле биләмәнән 10 кеше эвакуациялана, һөрөмгә ағыуланған 1984 йылғы ир дауаханаға оҙатыла. Шулай уҡ Әлшәй районы Түбәнге Әүрез ауылында сыҡҡан янғын да фажиғәле тамамлана. Янған йорт эсендә 1953 йылғы ирҙең кәүҙәһе табыла.
Фото: Т. Аманов.
