+22 °С
Ямғыр
Яңылыҡтар таҫмаһы
16 Ноябрь 2020, 08:01
Коронавирус та, пневмония ла көсәйә
Үткән шәмбе һәм ял көндәрендә тағы ла 232 кешелә COVID-19 диагнозы раҫланды.
Төбәктә яңы коронавирус инфекцияһы менән ауырыусыларҙың дөйөм һаны 12328-гә етте. Әлеге ваҡытта 1160 кеше был ауырыуға ҡаршы көрәшә. 319 кеше дауаханала квалификациялы медицина ярҙамы ала, шуларҙың 31-е — ауыр хәлдә. 841 ауырыу өйҙә амбулатор дауаланыу курсы үтә. Пандемия башланғандан алып 11101 кеше был сирҙән һауығып, аяҡҡа баҫҡан.
Шулай уҡ уҙған ялда пневмония менән ауырыусыларҙың иҫәбе буйынса ла яңы рекорд ҡуйылды. Шәмбе көнө 355 кешегә ошондай диагноз ҡуйылһа, ял көнө йәнә 368 кешенең пневмония менән сирләүе асыҡланды.
Фото:Т.Аманов.
