+21 °С
Болотло
Яңылыҡтар таҫмаһы
14 Ноябрь 2020, 09:47
Яңы ковид-госпиталде 1 декабргә тиклем төҙөп бөтмәкселәр
Был хаҡта Башҡортостан хөкүмәтенең премьер-министры Андрей Назаров хәбәр итте.
Стәрлетамаҡтағы яңы ковид-госпиталде декабрҙең беренсе көнөнә төҙөп бөтмәкселәр. Республика хөкүмәтенең премьер-министрлы Андрей Назаровтың һүҙҙәре буйынса, Зубоволағы инфекцион госпиталде рекорд арауыҡта – илле биш көндә төҙөп бөтөлдө. Сәтрлетамаҡтағы госпиталде тағы ла ҡыҫҡараҡ ваҡытта – илле көндә тамамларға йыйыналар.
- “Планка”ны тағы ла юғарыраҡ күтәрәбеҙ. Иң мөһиме, яңы “инфекционка”ны табиптарҙың барлыҡ теләктәрен үтәп төҙөп бөтөү. Тап шул сәбәпле ул күп профилле буласаҡ, - тип билдәләне Назаров.
Әйткәндәй, Башҡортостандағы кеүек инфекцион больницаны күрше Силәбе өлкәһендә лә төҙөнөләр. Унда төҙөлөштө 75 көн эсендә тамамланылар.
Фото: социаль селтәрҙәр
