+22 °С
Ямғыр
Яңылыҡтар таҫмаһы
13 Ноябрь 2020, 11:56
Йыһан туризмы тиҙҙән ғәҙәти күренешкә әйләнәсәк
Белгестәр фаразлауынса, 2030 йылға йыһан туризмы киң таралған күренеш буласаҡ. Туроператорҙар тәҡдиме артһа, осош хаҡы күпкә арзанаясаҡ.
2021 йылда космосҡа осасаҡ туристар Axiom Space компанияһы менән килешеүгә ҡул ҡуйған. Өс сәйәхәтсене бер NASA астронавты оҙатып йөрөйәсәк. Донъяны пандемия баҫып алған осорҙа альтернатив туризм мәсьәләһе киҫкенләште. Ҡалын кеҫәлеләр, планета буйлап сәйәхәт итеү тыйылғас, космос киңлектәрен үҙләштермәксе. Тик сәйәхәтсе бик күп аҡсанан тыш, ҡоростай һаулыҡ һәм йыһанға әҙерләнеү өсөн ярты йыл буш ваҡытҡа эйә булырға тейеш.
Әлеге ваҡытта космосҡа “путевка” - 40 миллион доллар самаһы. Тиҫтә йылдан ул 200 - 300 мең долларға тиклем осһоҙланасаҡ.
