Алло, Владимир Владимирович, беҙгә нефть ятҡылығы һатмаҫһығыҙмы икән?

Бер нисә көн элек Владимир Путин менән Александр Лукашенко телефондан һөйләшкәндәр. Һүҙ донъяуи мәсьәләләрҙән башланған, әлбиттә: коронавирус, вакцина, көрсөк һ.б.

Шунан Беларусь Президенты үҙенең күптәнге теләген дә әйткән. Рәсәй Президентының тура ғына яуабын белмәйбеҙ әлегә.

Ил башлығының матбуғат секретары Дмитрий Песков Лукашенконың Рәсәйҙә нефть ятҡылығы һатып алырға теләгенә ҡарата аныҡ ҡарар юҡлығын белдерҙе. Ҡәтғи, юҡ, тигән яуап бирелмәгән былай. Был мәсьәлә буйынса тейешле министрлыҡтар менән һөйләшергә кәрәк.

Лукашенко әфәнде конкрет бер урынды күҙ уңында тотамы - уныһы ла билдәле түгел. Беҙҙән нефтте торба аша түгел, ерҙән тура алғылары килә. Ҡара һин уларҙы!