+21 °С
Болотло
Яңылыҡтар таҫмаһы
6 Ноябрь 2020, 11:10
2021 йылда Әсәлек капиталы арта
«Киләһе йылда Әсәлек капиталының күләме индексацияланасаҡ, киләсәктә иһә уны йыл һайын арттырыу планлаштырыла”, – тине Рәсәйҙең хеҙмәт һәм халыҡты яҡлау министры урынбаҫары Ольга Баталина.
РФ Хеҙмәт һәм халыҡты социаль яҡлау министрлығынан хәбәр итеүҙәренсә, 2021 йылда инфляция кимәлен иҫәпкә алып, Әсәлек каипталы 3,7 процентҡа индексацияланасаҡ һәм тәүге балаға 483882 һум, икенсеһенә 639432 һум тәшкил итәсәк. Белеүебеҙсә, Әсәлек капиталы Рәсәй Президенты Владимир Путин ҡушыуы буйынса, “Демография” милли проектына ярашлы бирелә.
2007 йылдан башлап бындай дәүләт ярҙамына икенсе бала тыуған йә уллыҡа алған ғаиләләрҙең хоҡуғы бар. Шулай уҡ быға тиклем Әсәлек капиталы хоҡуғын ҡулланмаған ғаиләләрҙә өсөнсө һәм артабан тыуған балаларҙың ата-әсәһе лә дәғүә итә ала.
2020 йылдан башлап тәүге бала өсөн дә Әсәлек капиталы алыу мөмкинлеге барлыҡҡа килде. Улар өсөн капиталдың суммаһы 466617 һумға тиң.
2020 йылдан икенсе балаһы тыуған ғаиләләр өсөн Әсәлек капиталының суммаһы 150 мең һумға арта.
Фото:Яндекс.
.
