+22 °С
Ямғыр
Яңылыҡтар таҫмаһы
2 Ноябрь 2020, 08:13
Иң матур башҡорт һүҙе ниндәй булыр икән?
Башҡортостанда республикала йәшәүселәр һәм ситтә көн иткән яҡташтарыбыҙ ҡатнаша алған дөйөм халыҡ проекты старт алды. Бығаса «Иң матур башҡорт һүҙе» кеүек проект Рәсәй төбәктәрендә уҙғарылмаған.Тауыш биреү ике этапта ойошторола:1-15 ноябрҙә bashslovo.ru сайтында матур яңғырашлы һүҙ тәҡдим итергә кәрәк;22 ноябрҙә сайтта йыш тәҡдим ителгән 12 һүҙ һайлап алына һәм тауыш биреү башлана;14 декабрҙә — Башҡорт теле көнөндә иң матур һүҙ иғлан ителә.
Проектты БР Граждандар йәмғиәтенә булышлыҡ итеү фонды, Бөтә донъя башҡорттары ҡоролтайы һәм «Тамыр» балалар-үҫмерҙәр телеканалы хеҙмәттәшлегендә «Медиаформат» киң мәғлүмәт сараларын популярлаштырыу буйынса балалар-үҫмерҙәр үҙәге һәм «Телешко» балалар телевидениеһы мәктәбе оойштора. Уға республиканың дәүләт телдәрен, Башҡортостан халыҡтары телдәрен һаҡлау һәм үҫтереү өсөн республика Башлығы гранты аҡсаһы бүленгән.
Фото: "Бәйләнештә" скриншоты
