Башҡортостан Президент гранттарына ғариза биреү буйынса тәүге бишәү иҫәбендә

Президент гранттары конкурсында ғариза биреү буйынса Башҡортостан тәүге биш төбәге исемендә ингән. Ә Волга буйы федераль округы буйынса беренсе урында.

Йәмғеһе, республиканан коммерция булмаған ойошмаларҙан 400 ғариза ебәрелгән. Бәйге 13 йүнәлеш буйынса үтә, уларҙың араһында социаль хеҙмәтләндереү, граждандарҙың һаулығын һаҡлау һәм сәләмәт тормошто пропагандалау ҙа бар. Быйыл Башҡортостандың коммерцияға ҡарамаған ойошмалары социаль әһәмиәтле проекттарҙы тормошҡа ашырыу өсөн төбәккә 163 миллион һум аҡса йәлеп итә.

— Төбәктәр араһында конкуренция артҡандан-арта. Әлеге ваҡытта ауыр иҡтисад шарттарында эшләргә тура килә, шуға күрә республикаға йәлеп ителгән һәр тин ҡәҙерле. Беҙ күләм буйынса тәүге урында барабыҙ, әммә сифат тураһында ла онотмаҫҡа. Был йәһәттән Башҡортостандың Йәмәғәт палатаһы белгестәре әүҙем эшләй, "СуперНКО" семинарҙары ойошторолдо. Граждандар йәмғиәте менән берлектә эшләгән дәүләт һәм муниципаль хеҙмәткәрҙәргә рәхмәт һүҙҙәремде еткерәм, — тип белдерҙе республиканың Йәмәғәт палатаһы аппараты етәксеһе Шамил Вәлиев.

Фото: Т. Аманов.