+30 °С
Болотло
Яңылыҡтар таҫмаһы
22 Октябрь 2020, 11:03
Баш табиптар алмашынды
Өфө ҡалаһының бер нисә медицина учреждениеһына яңы етәкселәр тәғәйенләнде.
Кадрҙар үҙгәреше хаҡында һаулыҡ һаҡлау министры Максим Забелин 21 октябрҙә медицина ойошмалары етәкселәре менән кәңәшмәлә хәбәр итте.
Өфө ҡалаһының 2-се стоматология поликлиникаһына баш табип итеп Альфред Аҙнағолов тәғәйенләнде. Ул элек Республика стоматология поликлиникаһының баш табип урынбаҫары булып эшләгәйне.
Баш ҡаланың 10-сы клиник дауаханаһында баш табип вазифаһын хәҙер Нәзир Минғәжев башҡарасаҡ. Быға тиклем ул Республика клиник перинаталь үҙәген етәкләгәйне.
Ә Республика клиник перинаталь үҙәгенең баш табибы вазифаһына “Әсә һәм бала” клиникаһында баш табип урынбаҫары булып эшләгән Светлана Кәримова тәғәйенләнде.
Фото:Т. Аманов.
