+22 °С
Ямғыр
Яңылыҡтар таҫмаһы
20 Октябрь 2020, 02:41
Иң матур йырҙар – ҡәҙерлеләр өсөн
Яҡын кешегеҙгә күтәренке кәйеф, яҡты хистәр, күңел иретерлек миҙгелдәр бүләк иткегеҙ киләме? Был йәһәттән «Юлдаш» радиоһы күңел түрендә йөрөткән изге теләктәрҙе, ихлас рәхмәт һүҙҙәрен йыр-бүләккә ҡушып, байрам табындарын йәмләргә ашыға.
«Ҡәҙерле кешемә» музыкаль ҡотлауҙар программаһы көн һайын көндөҙгө сәғәт 2-нән 3-кә тиклем – башҡорт, 4-тән киске сәғәт 6-ға тиклем татар телендә эфирға сыға. Ҡотлау заказдары бер ай алдан ҡабул ителә.
Өфө халҡы һәм баш ҡала ҡунаҡтары ҡотлауҙы телеүҙәккә килеп тапшыра ала. Хаттар бүлеге эш көндәрендә иртәнге сәғәт 9-ҙан көндөҙгө 5-се яртыға тиклем тәнәфесһеҙ эшләй.
Район-ҡалаларҙа, күрше өлкәләрҙә йәшәүселәр ҡотлау хатын банк бүлексәләре аша, иҫәпкә тейешле сумманы күсереп, электрон почтаға ебәрә ала. Ҡотлау биреү тәртибен һәм реквизиттарҙы “Юлдаш” радиоһының рәсми сайтында һәм радионың “Бәйләнештә” селтәрендәге төркөмөндә лә ҡарай алаһығыҙ. Бөгөнгө электрон заманда интернет аша ҡотлау биреү тәртибе бик ябай һәм тиҙ. Был ысул изоляция ваҡытында ҡулай һәм уңайлы булыуын тағы ла иҫбатланы.
Заказ биреү өсөн ҡотлаған кешегеҙ тураһында мәғлүмәтле хат ебәреү мөһим. Яҡынығыҙҙың тыуып-үҫкән, йәшәгән ере, эшләгән урыны, ғаилә хәле, яратҡан шөғөлө, шәхси һыҙаттары хаҡында яҙыуығыҙ һорала. Ҡотлауҙы ниндәй көнгә, ниндәй телдә тапшырыуығыҙҙы ла мотлаҡ күрһәтергә кәрәк. Элемтә өсөн телефонығыҙҙы ла яҙырға онотмағыҙ. Эфирҙа йырҙар ҡабатланмаһын өсөн, заказ биреүсе кешегә ҡағылған төп талаптарҙың береһе – йырҙың кәм тигәндә ике вариантта булыуы. Беҙҙең реквизиттарға үҙегеҙгә уңайлы банк бүлексәһендә йә онлайн тәртиптә аҡса күсереп, хатты компьютерҙа баҫтырып йә иһә ҡулдан аңлайышлы яҙып, квитанция күсермәһе менән бергә ебәреү мотлаҡ.
Электрон почтаның адресы: radioufa2013@yandex.ru. Ҡотлау хаҡы – 700 һум, диск йәки электрон варианты менән – 750 һум.
Табындарығыҙ түңәрәк, байрамдарығыҙ мөбәрәк, «Юлдаш» менән бергә булһын!
Фото: Т,Аманов
