+22 °С
Ямғыр
Яңылыҡтар таҫмаһы
13 Октябрь 2020, 17:32
52 йәшлек Марат Сәғитовты эҙләйҙәр
Мараттың ҡайҙалығын туғандары октябрь башынан алып белмәй.
Башҡортостанда 52 йәшлек Марат Сәғитовты эҙләү башланды. Был хаҡта “Лиза Алерт” эҙәрмәндәр отрядының ирекмәндәре социаль селтәрҙәрҙә хәбәр итә. Уларҙың мәғлүмәтенә яраҡлы, ир Өфө районының Самохваловка ауылында юғалған.
Тышҡы ҡиәфәте: буйы 170 см, ябыҡ кәүҙәле, сәсе һары, күҙҙәре күк.
Юғалған көндө ҡыҙғылт-һары жилет һәм шундай уҡ төҫтәге салбар кейгән булған.
Әгәр ҙә Марат Сәғитовтың ҡайҙалығын белеүселәр булһа, 8-800-700-54-52 йәки 112 һандарын йыйып хәбәр итеүгеҙҙе үтенәләр.
Фото: "Лиза Алерт"
