+20 °С
Облачно
Яңылыҡтар таҫмаһы
7 Октября 2020, 09:17
Башҡорт һәм рус теле уҡытыусыларын тәбрикләнеләр
Тантаналы сара БР Мәғарифты үҫтереү институтында уҙҙы. Быйыл республика комиссияһы 125 уҡытыусының конкурс эштәрен тикшерҙе. Улар араһында 77 башҡорт теле һәм 448 рус теле уҡытыусыһы бар ине. Бөгөн ошо телселәр араһынан 50 иң яҡшы педагогҡа 50-шәр мең һумдан аҡсалата премия тапшырылды.
«Был аҙна ваҡиғаларға бай булды. 5 октябрҙә беҙ Уҡытыусылар көнөн билдәләнек, 11-дә Республика көнө үтәсәк. Байрам алдынан беҙ республиканың дәүләт телдәренән белем биреүсе иң яҡшы уҡытыусыларҙы тәбрикләйбеҙ. БР хөкүмәте һәм республика комиссияһы исеменән һеҙҙе конкурста еңеүегеҙ менән ҡотлайым! Эшегеҙҙә уңыштар һәм яңы ижади үрҙәр теләйем!», — тип белдерҙе БР хөкүмәтенең вице-премьеры Фәнүр Йәғәфәров
БР мәғариф һәм фән министры Айбулат Хажин да сығыш яһаны.
«Иң яҡшы уҡытыусылар, үҙ һөнәрҙәре оҫталары конкурсы тамамланды. Һеҙ мәғариф системаһында үҙ миссияғыҙҙы атҡараһығыҙ. Һеҙ балаларҙы һөйләргә, уйларға, үҙ фекерен матур итеп еткерергә өйрәтәһегеҙ. Хәҙерге заман кешеһенең йәмғиәттә үҙен күрһәтә белеүе мөһим роль уйнай. Быларҙың барыһы ла тел уҡытыусыһына бәйләнгән. Һеҙ классиканы, әҙәбиәтте, йәмғиәтте яратырға өйрәтәһегеҙ, уҡыусыларҙа әхлаҡ нигеҙҙәрен булдыраһығыҙ», — тине министр.
Фото: БР Башлығы сайтынан
