+10 °С
Облачно
Яңылыҡтар таҫмаһы
3 Октября 2020, 07:10
Асылыр өсөн өмөт бирҙеләр
Бөгөн «Салауат Юлаев» командаһы, төп составын тулыһынса тиерлек юғалтып, КХЛ беренселегенең сираттағы осрашыуында Түбәнге Камала урындағы «Нефтехимик» клубы менән сәкәләшәсәк.
«Яралы Салауат»та, хатта ҡапҡа һаҡсылары ла юҡ… Улар тегенән-бынан өс ҡапҡа һаҡсыһын табып, ғөмүмән, бөтөн составты йәш елкенсәк менән тулыландырып, ҡунаҡҡа юлланды. Бер яҡтан һәйбәт, ҡасан «Салауат Юлаев» формаһын кейеп, уларға уйынға сығырға бәхет йылмайыр ине әле?.. Әйҙә, тырышһындар. Бәлки ҡайһы берҙәре асылып китеп, төп составта ла ҡалыр, үҙ-ара конкуренция ла тыуыр… Нимә генә тимә, киттеләр инде. Моғайын, әйләнеп ҡайтыуҙарына, тегеләр ҙә һауығыр. Һәр хәлдә, шуны теләйек.
Бөгөнгө бәйгенән һуң, Ҡазанға барасаҡ. 5 октябрҙә сираттағы «йәшел дерби» осрашыуында «Аҡ барс» менән уйнай.
Әлегә юлаевсылар Көнсығыш конференцияһында 16 мәрәй менән дүртенсе урында урынлашҡан.
Фото:ТАСС
