+23 °С
Облачно
Яңылыҡтар таҫмаһы
23 Сентября 2020, 07:00
Ғафури районында башҡорт теле һәм әҙәбиәте уҡытыусыларының төбәк-ара форумы уҙасаҡ
24 - 25 сентябрҙә «Красноусольск» шифаханаһында үтәсәк сараны Башҡорт теле йылы планына ярашлы Башҡортостан Хөкүмәте, Мәғариф һәм фән министрлығы, Бөтә донъя башҡорттары ҡоролтайы ойоштора. ⏬
Сараның төп маҡсаты - башҡорт телен популярлаштырыу, республикабыҙҙа һәм Рәсәй төбәктәрендә телде уҡытыу шарттарын яҡшыртыу, башҡорт телен дәүләт теле булараҡ киңерәк ҡулланыу мөмкинлектәрен барлау.
Форумда Башҡортостан һәм Рәсәй төбәктәре башҡорт теле һәм әҙәбиәте уҡытыусылары; район һәм мәктәп методик ойошмалары етәкселәре; БР һәм РФ төбәктәренең инновацион дөйөм белем биреү ойошмалары директорҙары; профессиональ һәм юғары белем биреү учреждениеларының башҡорт теле уҡытыусылары; район һәм ҡала мәғариф идаралыҡтарының (бүлектәре) туған телдәр өсөн яуаплы белгестәре һәм методистары - йәмғеһе 250 кеше ҡатнашыуы көтөлә.
Фото: З.Рәхмәтуллина
