+16 °С
Болотло
Яңылыҡтар таҫмаһы
14 Сентябрь 2020, 12:00
Өфөлә тиҙҙән алты яңы сүп-сар ташыу машинаһы маршрутҡа сығасаҡ
"КамАЗ" шассиһындағы махсус техника "Москоммаш" заводында етештерелгән. Улар “Ҡаланы йыйыштырыу буйынса махсуслаштырылған автомобиль хужалығы” (“Спецавтохозяйство по уборке города”) ҡаты ҡалдыҡтар менән мөғәләмә итеү буйынса төбәк операторы муниципаль унитар предприятиеһына тапшырылды. Церемонияла Өфө мэры Өлфәт Мостафин һәм БР тәбиғәттән файҙаланыу һәм экология министры Урал Искәндәров ҡатнашты.
Яңы йөк машиналары "Экология" милли проектын тормошҡа ашырыуҙа ла ярҙам итәсәк. Улар элеккеләренә ҡарағанда тәбиғәткә зыян итмәй, һауаны бысратмай. Улар тиҙҙән үҙҙәренең маршрут графиктары буйынса эшкә оҙатыласаҡ. Тиҙҙән евроконтейнерҙарҙы санитар эшкәртиеү өсөн өс автомобиль дә һатып алынасаҡ.
Фото: Т.Аманов
Фото: Т.Аманов
