+16 °С
Ясно
Яңылыҡтар таҫмаһы
21 Августа 2020, 04:00
21 август
Вяткин Михаил Порфирьевич (1895—7.12.1967), ғалим-тарихсы, юғары мәктәп уҡытыусыһы. 1934 йылдан СССР Фәндәр академияһы Тарих институты Ленинград бүлексәһенең өлкән ғилми хеҙмәткәре, 1957—1967 йылдарҙа директоры; 1945—1957 йылдарҙа Ленинград педагогия институтының СССР тарихы кафедраһы мөдире. Ҡырғыҙ ССР-ы Фәндәр академияһының мөхбир ағзаһы (1954), тарих фәндәре докторы (1944), профессор (1945). РСФСР-ҙың атҡаҙанған фән эшмәкәре (1965). Фәнни хеҙмәттәре күсмә халыҡтар тарихына һәм Рәсәй империяһының социаль-иҡтисади тарихына, шул иҫәптән 20-се быуат башында Уралдағы тау сәнәғәте үҫешенә арналған. Сталин премияһы лауреаты (1948). Хеҙмәт Ҡыҙыл Байраҡ һәм «Почёт Билдәһе» ордендары кавалеры. Сығышы менән Ырымбур ҡалаһынан.
Ил һәм донъя буйынса Анри Готье (1660—1737), Франция ғалимы, геолог, күперҙәр һәм юлдар проектлаусы. Тобиас Фюрно (1735—1781), Англияның диңгеҙ сәйәхәтсеһе, офицер. Август Бурнонвиль (1805—1879), Дания балетмейстеры, хореограф һәм педагог. Александр Виноградов (1895—1975), СССР ғалимы, геохимик, биогеохимик, академик, 1967 йылдан СССР Фәндәр академияһының вице-президенты. Анатолий Гладилин (1935—2018), СССР яҙыусыһы, диссидент. Владимир Туриянский (1935), СССР шағиры, композитор, бард. Сергей Сельянов (1955), СССР һәм Рәсәй кинорежиссёры, сценарист һәм продюсер. Алисия Уитт (1975), АҠШ актрисаһы, йырсы. Байрамдар һәм иҫтәлекле даталар Бөтә донъяла терроризм ҡорбандарын иҫкә алыу көнө. Рәсәйҙә Офицерҙар көнө.
