+13 °С
Облачно
Яңылыҡтар таҫмаһы
18 Августа 2020, 20:37
Юл фажиғәләре - 17 август
Кисә Башҡортостан юлдарында 12 автомобиль аварияһы теркәлгән, ике кешенең ғүмере өҙөлгән, 13 кеше травмалар алған.
Иртән сәғәт туғыҙынсыла Иглин районында "Ford Focus" менән "Mercedes-Benz Actros" йөк машинаһы бәрелешкән.
Стәрлетамаҡтан килгән еңел машина бәрелешеүҙән юлдан осоп төшкән, түңкәрелгән.
"Форд"тың 51 йәшлек водителе менән уның 48 йәшлек ҡатынын дауаханаға килтергәндәр. Ауыр яраланған ҡатын бер нисә сәғәттән йән биргән.
Йөк машинаһы Татарстандан, водителенә 46 йәш.
Төнгө сәғәт беренселә Краснокама районында 20 йәшлек егет ВАЗ-2114 машинаһында 63 йәшлек йәйәүлене тапаған.
Йәйәүле, Нефтекама кешеһе, һәләк булған.
Ул юлда торған, кейемендә яҡтылыҡ сағылдырғыс элементтар булмаған.
Бөтә авариялар буйынса ла тикшереүҙәр бара.
Фото: БР ЮХХДИ матбуғат хеҙмәте.
