+17 °С
Дождь
Яңылыҡтар таҫмаһы
16 Августа 2020, 12:51
Коронавирус менән сирлеләр һаны һаман бер кимәлдә
Республикала коронавирус менән сирләүселәр һаны 7302-гә етте. Тулыраҡ:
Һаулыҡ һаҡлау министрлығы хәбәр итеүенсә, Башҡортостанда һуңғы тәүлек эсендә коронавирус менән сирлеләрҙең һаны 34 кешегә артҡан. Шулай итеп, Башҡортостанда барлығы 7302 кешелә COVID-19 сире рәсми рәүештә раҫланған.
Һаулыҡ һаҡлау министры Максим Забелиндың һүҙҙәре буйынса, бөгөнгө көндә дауахана шарттарында 114 кеше дауалана. Уларҙың 10-ның ғүмере өсөн көрәш бара, 3 кеше үпкәне яһалма елләтеү аппараты аша тын ала. Бөгөнгө көнгә коронавирустан 27 кешенең һәләк булыуы билдәле, шул иҫәптән бер кеше – һуңғы тәүлектә. Өфөлә йәшәүсе был ир ишемик йөрәк сиренән дә яфаланған.
Амбулатор шарттарында дауаланыусылар – 659 кеше. Сир тарала башлағандан алып 6502 кеше дауахананан коронавирусты еңеп сыҡҡан, шул иҫәптән 19 кеше – һуңғы тәүлектә.
Һуңғы тәүлектә пневмония менән сирләүселәр һаны – 78. Был сирҙән һауығыусылар тәүлек эсендә 76 кешегә барып еткән.
Фото: pixabay.com
