+17 °С
Ясно
Яңылыҡтар таҫмаһы
12 Августа 2020, 18:50
Боҙомға ышаныусылар иғтибарына
Башҡалар был яңылыҡты уҡымаһа ла була. Сөнки боҙомға ышанмағандар аферист ҡатындарҙың тоҙағына ла һис ҡасан ҡапмаясаҡ.
Ә бына Стәрлетамаҡта йәшәүсе 79 йәшлек әбейгә ике ят ҡатын килеп, ғаиләгеҙгә боҙом һалғандар, тигәс, әбекәй ышанған да ҡуйған.
Боҙом арҡаһында ҡыҙығыҙҙың үлеүе лә мөмкин, тигәнде ишеткәс, әбекәй аңын юя яҙып, мутбикәләрҙең әйткәнен үтәргә ашыҡҡан.
Пенсионерҙың ҡыҙын "ҡотҡарыу" процедураһына, әлбиттә, аҡса талап ителгән. Ҡыҙын ҡотҡарырға теләгән әбей 40 мең һум аҡсаһын ҡатындарға тотторған.
Алданыуын аҙаҡ ҡына аңлаған...
Әлеге ваҡытта полиция хеҙмәткәрҙәре енәйәтселәрҙе эҙләй.
Фото: Башҡортостан буйынса РФ ЭЭМ матбуғат хеҙмәте.
