+27 °С
Облачно
Яңылыҡтар таҫмаһы
30 Июля 2020, 15:15
Ҡыуатов исемендәге Республика клиник дауаханаһында 190 медик коронавирус эләктергән
Уларҙың 39 ғына әлегә махсус түләүҙәр ала башлаған.
Ҡыуатов исемендәге Республика клиник дауаханаһында 190 медицина хеҙмәткәре коронавирус йоҡторған, тип хәбәр итә Республика һаулыҡ-һаҡлау профсоюзының матубғат хеҙмәте. Социаль страховкалау фондынан 68,8 мең күләмендәге махсус түләүҙәр әлегә 39 кешегә генә тапшырылған.
РКД-ның хеҙмәткәре Руслан Ҡотошев һүҙҙәре буйынса, медиктар пациенттарҙы дауалаған ваҡытта эләктергән.
Хәтерегеҙгә төшөрәбеҙ, президент указы менән ҡаралған был түләүҙәрҙе алыу өсөн бер нисә шарт үтәлергә тейеш. Улар араһында: коронавирус диагнозы лаборатория аша ҡуйылырға һәм ул хеҙмәткәрҙең ваҡытлыса эштән сығыуына килтерергә тейеш. Шулай уҡ коронавирустың эш шарттарында йоғоуы мотлаҡ.
Фото: pixabay.com
