+17 °С
Дождь
Яңылыҡтар таҫмаһы
15 Июля 2020, 08:30
Ҡаран мәктәбе 1 сентябргә әҙер буласаҡ
Бүздәк районының Ҡаран ауылы мәктәбенә капиталь ремонт былтыр сентябрҙә башланды. Бының өсөн республика бюджетынан 14 миллион һум аҡса бүлгән, район хакимите лә 1 млн һумлыҡ иғәнәһен индергән. Шуларҙың 4 миллион һумына ҡоролмалар һәм мебель һатып алынған.
Объектта пластик тәҙрәләр, авария сығыу урындары ишектәре ҡуйылған, ҡыйыҡ алмаштырылған, фасад буялған. Йылытыу, һыу менән тәьмин итеү, канализация системалары алмаштырылған. Электрҙы аҙыраҡ исрафлаған лампалар ҡуйыласаҡ. Эстән йөҙлөкләү, буяу, биләмәне төҙөкләндереү тамамланып килә.
Ҡаран мәктәбе бинаһы 1965 йылда төҙөлөш тамамлағандан бирле ремонт күрмәгән булған. 2012 йылда ашхана ҡоролған, тағы дүрт йылдан спорт залы эшләнгән. Әлеге ремонт 1 сентябргә тиклем тамамланасаҡ.
Фото: Т.Аманов
