Иглиндә милли проект буйынса юл һалыу тамамланған

Район үҙәгенең Горький урамындағы эштәр "Хәүефһеҙ һәм сифатлы автомобиль юлдары" милли проекты буйынса башҡарылған. 18 миллион һумлыҡ контракттың подрядсыһы - "Дортрансстрой" ЯСЙ-һы. Юлсылар иҫке япманы фрезалаған, яңы асфальт һалған, "лежачий полицейский"ҙар урынлаштырған, юл ситтәренә ҡырсын түшәгән, ике туҡталыш павильоны һәм яңы тамғалар ҡуйған, кеше үткән ерҙәрҙә металл кәртәләрҙе яңыртҡан. Аҙаҡтан разметка төшөргәндәр.