+27 °С
Облачно
Яңылыҡтар таҫмаһы
24 Июня 2020, 16:45
Гагарин кубогы чемпиондары сәкәләшәсәк
Быйыл Татарстанда хоккей буйынса Гагарин кубогына төрлө йылдарҙа эйә булған командалар араһында тәүгә турнир уҙасаҡ.
19 августан 23 августҡа тиклем булған бәйгелә «Аҡ барс», «Металлург», СКА һәм «Салауат Юлаев» клубтарының ҡатнашыуы көтөлә. Турнир донъялағы хәл-торошҡа ҡарап, бәлки көйәрмәнһеҙ уҙыуы ихтимал. Ә инде ыңғай яҡҡа үҙгәрештәр булһа, унда ла тулы трибунала уҙмаясаҡ.
Бәйелә еңеүсе чемпиондар кубогы менән бүләкләнәсәк.
Беренсе ярыш көндө юлаевсылар «Металлург» менән сәкәләшһә, иртәгәһенә – СКА һәм һуңғы осрашыуын майҙан хужалары менән үткәрәсәк. 23 августа иһә, беренсе һәм өсөнсө урын өсөн алышасаҡтар.
Фото:ТАСС
