+17 °С
Облачно
Яңылыҡтар таҫмаһы
18 Июня 2020, 07:40
Рәил Әсәҙуллин: Конституцияға төҙәтмәләр дәүләттең социаль йүнәлешлелеген көсәйтә
БР Дәүләт Йыйылышы – Ҡоролтай депутаты, «Яңы мәктәп» проектының төбәк координаторы Рәил Әсәҙуллин, Төп Законға төҙәтмәләрҙә мәғарифкә ҡағылышлылары булыуы әһәмиәтле, тип белдерҙе.
– Тәҡдим ителгән төҙәтмәләрҙә рус теле дәүләтте булдырыусы халыҡ теле булараҡ билдәләнгән. Шулай уҡ бында туған телдәрҙе өйрәнеү өсөн шарттар булдырыу хаҡында ла һүҙ бара. Иң мөһимдәренең береһе – тәрбиә программаһын әҙерләү кәрәклеге тураһында.
Ваҡытында мәктәптең белем биреүгә бәйле эшмәкәрлеге көсәйҙе, ә хәҙер, Конституцияға төҙәтмәләр менән беҙ тәрбиә хоҡуҡтарын кире ҡайтарабыҙ, белем биреү процесын тәрбиә менән бергә алып барыу нормаларын нығытабыҙ, – тине Әсәҙуллин үрҙә телгә алынған проект буйынса ултырышта.
Сығанаҡ: БР Дәүләт Йыйылышы – Ҡоролтай сайты.
Фото: РИА-Новости.
