+20 °С
Ясно
Яңылыҡтар таҫмаһы
3 Июня 2020, 09:50
«Тәмле төшкө аштан һуң....ятып торайыҡ»
Ашап, тамаҡ туйҙырғас, бәғзеләр йоҡларға ярата. Бигерәк тә, көндөҙ, йәғни төшкө аштан һуң ятып торорға ғәҙәтләнгәндәр күп. Балалар баҡсаһында ла “тихий час” була. Бына шул көндөҙгө тынлыҡ ваҡытын законлаштырырға кәрәкме? Беҙҙең парламентта был турала закон проекты ҡаралыуы тураһында яҙғайныҡ инде. Әле халыҡ фекерен белешеү бара.
БР Дәүләт Йыйылышы – Ҡоролтай депутаттары закон проектын тәүге уҡыуҙа ҡабул итте. Әле парламенттың рәсми сайтында: gsrb.ru, “Обсуждение законопроектов” бүлегендә) фекер алышыу ҡыҙыу ғына бара. Ул 17 июнгәсә дауам итә. Шуның һөҙөмтәһендә ҡарарҙы көҙ сығарырға ниәтләйҙәр.
Закон сыҡһа, көндөҙгө сәғәт 1 менән 3 (13.00-15.00) араһында шаулап йөрөүселәргә, ремонт яһаусыларға штраф та һалыуҙары мөмкин. Улар түбәндәгесә күҙалланған: граждандар өсөн – 1000-–2000, вазифалы кешеләргә – 3000–5000, юридик шәхестәргә 10 – 15 мең һум.
Фото: Автор фотоһы.
