+20 °С
Ясно
Яңылыҡтар таҫмаһы
30 Мая 2020, 18:05
Михаил Мурашко һәм Радий Хәбиров медик-волонтерҙар менән осрашты
Улар Башҡорт дәүләт медицина университетының ирекмәндәр үҙәгендә булды. ⏬
Уны 2011 йылдың майында ойошторғандар. Үҙәктә медицина, социаль, ваҡиғалар, спорт һәм халыҡ-ара йүнәлештәр тупланған.
Ирекмән медиктар үҙҙәрен тажзәхмәт сире пандемияһы мәлендә бик яҡшы күрһәткән. Улар карантинда һәм үҙҡурсалауҙа булған кешеләрҙең, өлкәндәрҙең һәм аҙ хәрәкәт иткән граждандарҙың шылтыратыуҙарын ҡабул иткән, дарыуҙар, аҙыҡ-түлек алып килгән, психологик ярҙам яһаған.
«Молодцы, ребята! Спасибо вам большое, – тине Минздрав етәксеһе. – Для людей, особенно пожилых, этот период был большим стрессом, и ваша помощь многое значит».
Сара аҙағында студенттар Михаил Мурашкоға һәм Радий Хәбировҡа БДМУ волонтерҙар үҙәгенең форма жилеттары бүләк итте.
Фото: О.Яровиков
