+17 °С
Облачно
Яңылыҡтар таҫмаһы
15 Мая 2020, 10:05
Кеше изоляцияла булғанда һауа таҙарып ҡалған...
Бөтә донъя үҙҡурсаланыу тәртибенең ыңғай яҡтарын һанай башлаған, имеш. Венецияла каналдарҙа һыуҙар таҙарған (гондольерҙар йөрөмәгәс), Америкала бығаса йәшел генә ятҡан болондар сәскәгә күмелгән, Испания урамдарында ҡоштар күбәйгән... Беҙҙә лә үҙгәрештәр бар.
“Башинформ” агентлығы яҙыуынса, һауа таҙарған икән. Башгидрометүҙәк белгестәре даими өлгөләр алған. Баҡһаң, автомобилдәр әҙ йөрөү сәбәпле, саң концентрацияһы былтырғыға ҡарағанда 28 процентҡа әҙерәк булып сыҡҡан.
Әммә изоляцияның икенсе бер яғы ла бар: өйҙә ултырған кеше генераль йыйыштырыныу яһап, сүп-сар ташлауын ярайһы арттырған. Ә хәҙер, битлек тәртибен ныҡлы индергәс, сүплектәр битлек менән туласаҡ инде... Өҫтәүенә, эшкәртелмәй торған медицина ҡалдыҡтары ныҡ күп буласаҡ.
Фото: Юлай КӘРИМОВ.
