+17 °С
Дождь
Яңылыҡтар таҫмаһы
11 Мая 2020, 18:50
Башҡортостандан булған йәш табип Мәскәү өлкәһендә коронавирустан үлгән
Наил Саматовтың үлеме хаҡында Егорьевск үҙәк дауаханаһы хәбәр иткән, ул унда участка терапевты булып эшләгән.
Апрель аҙағында 28 йәшлек Наилдың COVID-19 барлыҡҡа килтергән ике яҡлы пневмония менән сирләүе билдәле була. Уны ауыр хәлдә Мәскәү дауаханаһына алып киләләр. Тик ҡыҙғанысҡа күрә, табиптар сир менән күпме көрәшһә лә, ул үлгән.
Йәш табип коронавирусты эштә йоҡторған. Ул Covid-19 диагнозы раҫланған сирлегә барған. Һаҡланыу сараларынан табиптың битлеге һәм бирсәткәләре генә булған, тәүге осорҙа уларҙы махсус костюмдар менә тәьмин итмәгәндәр.
Наил 2019 йылда «Дауалау эше» белгеслеге буйынса Башҡорт дәүләт медицина университетын тамамлаған. 2020 йылдың 30 ғинуарынан Егорьевск дауаханаһының 3-сө поликлиникаһында участка терапевты булып эшләгән. Наил Саматовтың исеме Рәсәй табиптары башланғысы менән барлыҡҡа килгән «Хәтер исемлеге»нә индерелгән.
Йәш табип коронавирусты эштә йоҡторған. Ул Covid-19 диагнозы раҫланған сирлегә барған. Һаҡланыу сараларынан табиптың битлеге һәм бирсәткәләре генә булған, тәүге осорҙа уларҙы махсус костюмдар менә тәьмин итмәгәндәр.
Наил 2019 йылда «Дауалау эше» белгеслеге буйынса Башҡорт дәүләт медицина университетын тамамлаған. 2020 йылдың 30 ғинуарынан Егорьевск дауаханаһының 3-сө поликлиникаһында участка терапевты булып эшләгән. Наил Саматовтың исеме Рәсәй табиптары башланғысы менән барлыҡҡа килгән «Хәтер исемлеге»нә индерелгән.
Фото: yandex.ru
