+30 °С
Облачно
Яңылыҡтар таҫмаһы
7 Мая 2020, 13:02
Нефтекамала сирлеләр һаны тәүлек эсендә 55 кешегә артҡан
Урындағы психоневрология интернатының пациенттары коронавирус эләктергән.
Нефтекама ҡалаһында һуңғы тәүлек эсендә коронавирус менән сирләүселәр 55 кешегә артҡан. Бындай ҡапыл “үҫеште” Роспотребнадзор вәкиле Венер Изикаев урындағы психоневрологик интернаттың пациенттары сирләп китеүе менән аңлата. Бынан тыш, улар менән бәйләнештә булған кешеләрҙән дә анализдар алынған.
Шулай итеп, бөгөнгө көндә Нефтекама ҡалаһында барлығы 190 кеше коронавирус менән сирләй. Венер Изикаевтың һүҙҙәре буйынса, ҡалалағы хәл хөкүмәт тарафынан контролдә тотола.
Хәтерегеҙгә төшөрәбеҙ, һуңғы тәүлек эсендә республикала 83 кешенең анализдары коронавирус сиренә ҡарата ыңғай һөҙөмтә бирҙе.
Фото: pixabay.com
